Своеасаблівым сховішчам для твораў выяўленчага мастацтва з'яўляюцца музеі і карцінныя галерэі. У свеце існуе шмат такіх музеяў. Адны з іх вялікія, налічваюць тысячы твораў, другія маленькія. Вялікія ведаюць ва ўсім свеце, а пра малыя толькі ў той мясцовасці, дзе музеі знаходзяцца.

                 Музеі зберагаюць для наступных пакаленняў прыгажосць, створаную чалавечым розумам. Захаваць, данесці на нашчадкаў гісторыю, адлюстраваную ў творах выяўленчага мастацтва,-іх галоўная мэта. Гэтай справе прысвячаюць сваё жыццё стваральнікі музеяў, захавальнікі і навуковыя супрацоўнікі, якія займаюцца вывучэннем і распаўсюджваннем ведаў пра мастацтва.