Школьная алімпіяда па беларускай мове для вучняў 5 класа

1 Каго мы называем беларускім першадрукаром?

а) Сымона Буднага; б) Францішка Багушэвіча; в) Міколу Гусоўскага;                  г) Францыска Скарыну; д) Янку Купалу.

2. Колькі ў беларускай мове галосных літар?

а) 6; б) 8; г) 10; д) 9.

3. Дадзены словы:

1) дзень; 2) хадзіў; 3) бацька; 4) дожджык; 5) джала.

якія словы маюць пяць гукаў?

а) 1,2; б) 3,5; в) 2,3; г) 4,5; д) 2,5.

4. Якія літары напішаце пасля т,д?

а) ё,о,ы; б) ы,і,ь; в) ы,о,я; г) і,я,у; д) н,о,у.

5. Які назоўнік не адносіцца да мужчынскага роду?

а) заяц, б) певень; в)гусь; г) індык; д)конь.

6. У якіх словах напішаце апостраф?

1) п..яўка; 2) батал..ен; 3) ад...езд; 4) здароў...е; 5) надвор...е.

а) 1,3,5; б) 1,2,3; в) 2,3,4; г) 3,4,5; д) 1,4,5.

7. У якім слове колькасць гукаў у два разы большая за колькасць літар?

1) яма; 2) судзя; 3) дзень; в)ей; д) яе.

8. Што адгукваецца, але не паказваецца?

а) магнітафон; б) вецер; в) радыёпрыёмнік; г)рэха.

9. Які назоўнік ужываецца ў беларускай мове толькі ў множным ліку?

а) часопісы; б) сталы; в) вочы; г) акуляры; д) сцены.

10. Дадзены слоы:

1) б...розка; 2) б..рвяно; з) с...кера; 4) м...даль; 5) гл...дач.

У якіх словах трэба ўставіць літару я?

11. Якое слова з прыведзеных не змяняецца?

а) свой; б) шкло; в) вельмі; г) прыветны; д) пазнаць.

12. Закончыце прымоўку "не той сябра, хто мёдам мажа, а той...”

а) хто маслам мажа;

б) хто анекдоты кажа;

в) хто праўду кажа;

г) хто варэннем мажа.

13. Як у народзе кажуць?

а) Туман губляе снег.

б) Туман ліквідуе снег.

в) Тумана хавае снег.

г) Туман з’ядае снег.

д) туман выбельвае снег.

14. Як правільна перакласці прыказку з рускай на беларускую мову "адзін с сошкой, а семеро с ложкой”?

а) не перакладаецца;

б) якое карэнне, такое і насенне;

в) сямёра аднаго не чакаюць;

г) адзін горбіцца, а сто корміцца;

д) на языку мядок, а на сэрцы лядок.

15. Колькі імён можна знайсці ў слове цаліна, не перастаўляючы ніводнай літары?

а) 2; б) 4; в) 3; г) 0; д) 1.

16. Запішыце словы, якія вымаўляюцца

 [л’ом] ,  [с’н’эх] , [с’ацэ] , [йэхац’] .

17. Падбярыце да слоўз водар, звір , нашчадак, нацянькі, сурвэтка рускія адпаведнікі.

18. Якія словы маюць прыстоўкі:

а) ажыць; 2) акіян; 3) адужаць; г) акула; 5) акідаць.

а) 1,2,3; б) 1,3,5; в) 2,3,4; г) 3,4,5; д) 1,2,4.

19. Які са сказаў з’яўляецца пабуджальным?

1. Вырастайце, дзеці, вялікія і аберагайце праз усё жыццё дружбу.

2) Да чаго ж прыгожае гэтая вясновая раніцца!

3) Што за дзіва такое?

4. Лес расступіўся раптоўна і як бы выпхнуў мяне на луг.

а) 2; б) 3; в) 4; г) 1.

20. Да якого стылю належыць дадзены тэкст.

Дарагія дзяўчаты і хлопцы!

Вы марыце пра далёкія краіны, пра нязнаныя далёкія гарады, пра цудоўныя прасторы акіянаў і космасу. Юнацтва заўсёды імкнулася думкамі і сэрцам у далёкія далі. Але пройдзе час, і Вы зразумееце, што самая цудоўная краіна – тая зямля, дзе Вы жывяце цяпер, Ваш горад, Вашы вуліцы... Любіце зямлю, нашу слаўную беларускую зямлю, яе гарады і яе палі, яе лясы і рэкі.

Любіце славу яе і душу яе – беларускую літаратуру, выдатныя кнігі, створаныя сынамі нашага народа (І.Мележ).

1)мастацкі; 2) навуковы; 3) публіцыстычны; 4) афіцыйна-дзелавы; 5) гутарковы.

 1; б) 5; в) 3; г) 2; д) 4.