Алімпіядныя заданні для 7 класа

  1. Тэкст для дыктоўкі

Слова пра настаўніка

   Вось і скончылася лета, і школьны званок зноў паклікаў цябе на заняткі.

   Вучоба  праца нялёгкая. Яна раскрывае табе таямніцы жыцця, вядзе ў новы, нязведаны свет. І кім бы ты ні стаў, вялікая заслуга ў гэтым настаўніка. Гэта ён сваёй цярплівай, на-стойлівай працай памагае табе выбраць шлях у жыцці.

   Каб вучыць цябе, настаўніку трэба шмат ведаць. Вечарам ты засынаеш салодкім сном, а ў акне твайго настаўніка яшчэ доўга гарыць святло. Ён сядзіць над канспектамі, правярае твае сшыткі, думае пра заўтрашнюю сустрэчу з табою. (85 слоў)

                                                                                                               (З часопіса "Вясёлка”)

  2. Якім стылем карыстаюцца пры напісанні артыкулаў?

   а) мастацкім;

   б) афіцыйна-дзелавым;

   в) навуковым;

   г) публіцыстычным;

   д) размоўным.

 3. Знайдзіце, у якім радку правільна выпісаны пераходныя дзеясловы разам з назоўнікамі.

   а) скончылася лета, паклікаў цябе;

   б) раскрывае таямніцы, правярае сшыткі;

   в) вядзе ў свет, памагае працай;

   г) засынаеш сном, думае пра сустрэчу.

 4. Укажыце правільную фанетычную транскрыпцыю слоў сядзіць і гарыць:

   а) [с’ядз’іць], [гарыц’];

   б) [с’адзіць], [гарыць];

   в) [с’адз’іц’], [гарыц’];

   г) [с’адзіц’], [гарыц’].

  5. Запішыце словы па-беларуску:

   озеро, внук, наука, материал, биография, берёзка, судья, урожай, жизнь, пауза, здоровье, аквариум, театр, семья, медь, ограда, железо.

  6. Знайдзіце, у якім радку правільна падабраны сінонімы да дзеясловаў думае, гарыць:

   а) кумекае, ззяе;

   б) петрыць, зіхаціць;

   в) разважае, хліпае;

   г) мысліць, палае.